MIRROR成員丨現身FOX電視台《Good Day New York》　教主Anson Lo即興與主持共舞

近日MIRROR正忙於《MIRROR FEEL THE PASSION CONCERT TOUR 2024》，馬不停蹄走訪世界了倫敦、曼徹斯特、三藩市及洛杉磯站後，前晚他們到達紐約準備演出外，他們亦應當地FOX電視台邀請，接受FOX5頻道《Good Day New York》節目訪問。
 
MIRROR前晚到達紐約稍作休息後，便現身FOX電視台進行《Good Day New York》的直播訪問，為最新英文單曲《Day 0》進行宣傳。過去韓團ITZY、SEVENTEEN、GOT7，甚至加拿大歌手Shawn Mendes亦曾登上該節目。

節目中，12子除了演繹新歌《Day 0》外，他們更接受了兩位節目主持Rosanna Scotto及Curt Menefee的訪問，當中他們提及到達紐約時及於美國演出的感受，陳卓賢（Ian）、盧瀚霆（Anson Lo）、邱士縉（Stanley）成「英語擔當」負責用英文與主持對答。

MIRROR成員丨 姜濤+Edan+Stanley欣賞籃球賽　被NBA官方IG甫合照勁威水

▲ MIRROR現身FOX5頻道《Good Day New York》。

Anson Lo與主持人共舞

MIRROR表示，覺得能夠在美國演出，對他們來說實在難以置信，由抵達機場一刻至已感受到大家對MIRROR的愛，成員陳卓賢（Ian）道：「我哋嚟到美國已經喺三藩市同洛杉磯做咗兩場Show，都好期待喺紐約UBS Arena嘅演出。」

被問到想跟誰人合作，Stanley表示：「一定係Dame D.O.L.L.A，我哋都超級興奮，因為我哋部份係NBA球星嘅擁躉，所以能夠同Dame合作，係莫大嘅榮幸。」

隨後，教主Anson Lo亦有提及MIRROR的音樂種類，說：「我哋吸收世界各地不同音樂曲風，包括歐美作品，但與此同時，當中亦包括香港廣東歌獨有嘅旋律風格。」

在節目現場，大家更與主持打成一片，Anson Lo更即興與主持人Rosanna Scotto一同起舞，令現場氣氛迅速升溫。

▲ 教主Anson Lo成為英語擔當。

MIRROR感榮幸

事後MIRROR分享能參與這次訪談的感受，其中Anson Lo道：「今次好榮幸上到FOX呢個節目，其實由細到大都冇諗過可以上到美國一個咁著名嘅電視節目，甚至可以喺上面表演兼且同主持玩，呢件事對自己嚟講好奇妙。我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係一個好好嘅第一步，令我哋更加有動力繼續前進。」

呂爵安（Edan）亦表示：「好榮幸，冇諗過可以上喺海外嘅一個訪談節目做訪問，同時亦都好緊張，因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」

最新影片推介：羅子溢專訪

至於大表哥邱士縉稱：「可以上到FOX呢個節目，感覺係超級Amazing，所以我哋非常珍惜今次嘅機會，希望可以做得再好啲。希望大家會喜歡我哋嘅表演啦！」姜濤亦道：「我哋MIRROR好開心有呢次機會，希望未來日子可以有更多人聽到我哋嘅作品。」
 
在今次紐約之行，除了參與FOX的訪談，MIRROR亦有接受另一電視台CNN及串流音樂平台Pandora等的訪問，收穫甚豐。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5